Села свика состанок на Централното собрание на АА
Претседателот на Централното собрание на Алијансата за Албанците, Зијадин Села за в сабота свика состанок. Според најавата, членовите на партијата ќе разговараат за извештајот на претседателот на партијата, Арбен Таравари, во врска со политичките случувања во пресрет на двојните избори и за насоката во којашто ќе се движи партијата.
Состанокот на Централното собрание на Алијанса доаѓа по различните ставови за тоа, како и со кого треба да настапат на изборите. Таравари сака во блок со албанската опозиција, за што доби поддршка од повеќе функционери, но, постои и друго крило коешто е за самостоен настап.
Разногласието во Алијанса кулминираше со сериозни инциденти, физички напад врз директорот на Агенцијата за одземен имот, Дритон Небиу и оставен куршум во дворот на домот на Таравари.
