СЕ ЗГОЛЕМУВА ДРАМАТА ВО ТЕКСАС: Конвој граѓани се упатува кон спорниот дел од границата, планирани се протести низ државата

ГРУПА чии членови се опишаа себеси како „Божја војска“ се упатува кон јужната граница на САД во знак на протест поради рекордниот број мигранти кои илегално преминале од Мексико во Тексас.

Организаторите велат дека сакаат да се „соочат со глобалистите“ кои „дозволиле мигрантите“ илегално да ја преплават земјата.

– Ова е библиски и монументален момент составен од Бога – рече еден од организаторите.

– Темните сили на злото не опседнуваат од сите страни – изјави друг организатор.

Групата планира конвој кој во понеделник ќе тргне од Вирџинија Бич за Тексас, по што ќе следат серија митинзи. Едниот ќе биде на Eagle Pass на границата меѓу Тексас и Мексико.

Групата сака мирни собири, меѓутоа, организаторите признаваат дека демонстрациите би можеле да излезат од контрола.

– Разбираме дека можеби имаме инфилтратори. Можеби има некои луѓе кои се обидуваат да не соборат што скокаат во конвојот. Тие ќе мора да се справат со нашиот безбедносен тим кој ќе побара од нив да си заминат“, рече организаторот на протестот Скоти Сакс.

Собирите доаѓаат во време на ескалација на тензиите меѓу администрацијата на американскиот претседател Џо Бајден и државните власти поради напорите на Тексас да ја обезбеди границата.

Врховниот суд пресуди дека агентите на граничната патрола можат да ја отстранат жицата што ја поставија претставници на Тексас по должината на речиси 50 километри во близина на Игл Пас, кој е совладан од мигрантската криза.

Дури 25 републикански гувернери во четвртокот потпишаа писмо во кое го поддржуваат гувернерот на Тексас, Грег Абот, кој и покрај одлуката на Врховниот суд, продолжи да поставува цврста бариера за да ги одврати мигрантите.