„За Ѓоковиќ полуфиналниот пораз од Синер е – одлична работа!“

Според Патрик Муратоглу, поранешниот тренер на легендарната Серена Вилијамс, ова всушност е и добар пораз бидејќи ќе симне дел од притисокот што му се наметнува на Србинот.

„Ѓоковиќ сигурно почувствувал олеснување по поразот од Синер бидејќи и самиот не беше свесен колкав товар носеше на своите рамења. Беше шокантно да се гледа Новак да биде толку вон ритам во едно гранслем-полуфинале. Ова можеби беше негов најлош меч кој сум го гледал. Тој во Мелбурн немаше загубено ниту еден меч од 2018 година, ниту еднаш на загубил во полуфинале и има дури десет титули. Па, нормално ли е да се очекува дека може да продолжи во ист ритам? Тоа е преголем притисок дури и за шампион како него. Сега е разочаран, но за неколку дена ќе биде поинаку. Ќе има поинаков притисок на него, само како прв тенисер на светот и најдобар играч на сите времиња. Тоа што му се случуваше во Мелбурн мислам дека беше премногу за него. И понатаму мислам дека годинава ќе освои две или три гранслем-титули“, изјави Муратоглу.

Популарниот Ноле најави дека ќе земе одмор по настапот во Мелбурн, па неговиот следен настап ќе се случи дури во март и тоа на мастерсот во Индијан Велс.