Се огласи мајката на Вања: Не можам да разберам, се ми е нереално, зошто девојчето ми го пратија во гроб!
„Не можам да зборувам. Сè уште не знам зошто се случи ова. Сè уште го чекам епилогот од сето ова. Сè уште не ми е јасно зошто мојот најнормален живот се претвори во пекол“, вели Зорица Ѓорчевска, мајката на Вања Ѓорчевска (14) која беше убиена кај скопското село Бразда за српска „Република“.
„Просто ми е несфатливо како и зошто моето прекрасно девојче сега е во гроб. Имам хронична болест, но се држам, важно ми е само да ја дознаам вистината, а другата ќерка моментално е болна, сите се надеваат дека ќе биде добро. Ве молам, премногу ве молам да почекаме додека не дознаеме зошто се случи ова“, вели Ѓорчевска.
Таа се уште не сака да даде изјава за поранешниот сопруг со кој тврди дека и сега, како и кога го пријавила киднапирањето на нејзината ќерка, биле во добри односи.
„Па јас велам дека ништо не знам. Сето ова ми е нереално. Но, веќе пет години сме разведени и не знам што правеше и со кого. Бевме во добри односи поради децата. Не се расправавме за старателството, за образованието, му дозволував да ги гледа кога сака или кога сакаат децата. Не знам и не ме интересираше неговиот живот. Мојот живот беа моите деца и мојата работа. Остана сам за да ме остави на мира. Секогаш кога разговаравме, зборувавме за деца. Ве молам, не ми поставувајте повеќе прашања бидејќи си поставувам многу прашања зошто се случи ова. И чекам да дознаам“, рече Зорица.
Таа понатаму наведува вели ништо да не ја прашуваат за нејзината друга ќерка бидејќи единствено и е важно да ја заштити.
„Ве молам не ме прашувајте за другото дете. Сега ми е најважно да ја заштитам“ – вели Зорица и вели дека има најголема можна доверба во полицијата.
