Се најде јунак да го победи Наполи на негов терен, Лацио ги собра трите бода од „Диего Марадона“ (ВИДЕО)

Три големи, огромни бодови за Лацио во борбата за местата кои водат во Лигата на шампионите, освоени на теренот на кој никој немаше победено оваа сезона, кај лидерот Наполи.

Клучниот момент се случи во 67. минута кога Кварацхелија направи грешка, му спушти една топка на Весино кој со фантастичен шут постигна гол за водство од 1-0.

Наполи до крајот на мечот со сите сили напаѓаше, Елмас во игра влезе во 71. минута, но ниту тој, ниту било кој од соиграчите не успеа да ја пробие одличната одбрана на Лацио.

Со оваа победа Лацио се качи на второто место на табелата во Серија А, од таму може да го симнат само Интер и Милан кои допрва ги играат своите мечеви од ова коло.