СДСМ: Пуцко Петрол бил омилен снабдувач на општините кои ги води ВМРО-ДПМНЕ
Пуцко Петрол бил омилен снабдувач на општините кои ги води ДПМНЕ и тоа подолг период, години наназад, велат од СДСМ.
„Само со три договори склучени со општина Битола, каде градоначалник е Коњановски од ДПМНЕ, речиси 240.000 евра завршиле кај оваа компанија.
Ова се само 3 од над 170 договори за тендери кои општини и институции раководени од ДПМНЕ ги имаат склучено со Пуцко Петрол.
Јавноста знае дека тоа е бизнис изроден во времето кога ДПМНЕ и ДУИ беа коалиција.
ДПМНЕ и Мицкоски треба да излезат пред граѓаните и да одговорат колку милиони народни пари преку општините, министерствата и други институции кои тие ги раководат завршиле кај Пуцко Петрол?“ – се вели во соопштението на СДСМ.
