СДСМ ГО ПОДДРЖА ПРЕДЛОГОТ ЕДЕН ПРАТЕНИК, ЕДНО ДРЖАВЈАНСТВО Предлогот е ставен на дневен ред во Собранието
Со 77 гласа „за“ и 8 против, денеска се стави на дневен ред Предлог-законот за еден пратеник, едно државјанство, информира пратеникот на ВМРО-ДПМНЕ Антонијо Милошоски, кој е и предлагач на законот.
Меѓу предлагачите се и пратениците Никола Мицевски, Бојан Стојаноски, Марија Петрушевска и Игор Здравковски.
СДСМ соопшти дека ќе го поддржи предлогот пратениците во Собранието да имаат само македонско државјанство.
Пратеникот на СДСМ, Оливер Спасовски, рече дека ова е чист популистички потег и дека не може да се обезбеди доказ дали некој пратеник има само македонско државјанство или има повеќе, поради што смета дека оваа измена е неприменлива.
Тој оцени дека не може за пратениците да важи едно правило, а тоа да не важи за другите функционери. Поради тоа СДСМ ќе предложи проширување на забраната за двојно државјанство и за другите функционери, како и измените да важат и за актуелниот состав на Собранието поради што СДСМ ќе поднесе амандман.
.
