САША ПОПОВИЌ ЗАМИНА ВО ВЕЧНОСТА: По кратко боледување основачот на Гранд продукција почина
Основачот и креативен директор на Гранд продукција, Саша Поповиќ, почина на 70-годишна возраст.
Како што се наведува во соопштението од „Гранд продукција“, Александар Саша Поповиќ починал по кратко и тешко боледување.
Додаваат дека со децениска работа бил визионер и посветен професионалец, а преку музиката и телевизијата открил и поддржал бројни таленти, обликувајќи го звукот и духот на една ера.
Неговата енергија, посветеност и креативност ќе живеат засекогаш преку песните, уметниците, емисиите и сето она што го создал. Наследството што го остави зад себе е неизмерно и го одбележа времето во кое живеел“, се вели во соопштението на „Гранд продукција“.
Вучиќ испрати телеграма со сочувство за смртта на Саша Поповиќ
Српскиот претседател Александар Вучиќ вечерва испрати телеграма со сочувство по повод смртта на основачот и креативен директор на Гранд продукција, Саша Поповиќ.
„Со тага ја примив веста за смртта на истакнатиот естраден менаџер, музичар и композитор Саша Поповиќ, кој даде исклучителен придонес за нашата и на регионалната музичка сцена. Покрај уметничкиот ангажман, Саша им помогна на многу млади таленти, давајќи им шанса да ги остварат своите соништа и да го најдат своето место во светот на забавата.
Со својата огромна репутација во музичката индустрија, како и со својот голем и сестран талент, тој го обликуваше музичкиот вкус и трендовите во народната музика, а бројни генерации ќе ги паметат хитовите што ги компонираше за многу познати изведувачи од нашите простори.
Изразувам длабоко сочувство до семејството, пријателите и колегите на Саша Поповиќ. Нека почива во мир, стои во телеграмата со сочувство од претседателот Вучиќ, соопштија од кабинетот за односи со медиумите на претседателот на Републиката.
Саша Поповиќ почина денеска на 70-годишна возраст, по кратко и тешко боледување, објави претходно Гранд продукција.
