Само бод за Фулам и прокоцкана шанса да се израмни со Њукасл (ВИДЕО)

Манор Соломон со голот во 64-та минута го обезбеди ремито откако Вулфс по 23 минути на „Кравен Котиџ“ поведоа преку Пабло Сарабија, па лондончани не успеаа во завршната четвртина од мечот комплетно да го свртат дуелот во своја корист и да дојдат до триумф.

Со ова реми, за нив шесто сезонава, сега се на 39 бода на шестото место, само два зад петтиот Њукасл, а три зад четвртиот Тотнем кој е на позиција за ЛШ.

„Волците“, пак, исто така одиграа шести пат сезонава нерешено, но само за 24 бода и 15-то место, четири бода над опасната зона и првиот ривал во неа Вест Хем кој има 20 со меч помалку.