„Сакам Израел да биде исклучен од натпреварот“: Победникот на Евровизија ги напаѓа организаторите
Победникот на Евровизискиот натпревар за песна 2025, Јоханес Пич, попознат како Џеј-Џеј, го коментираше овогодинешниот натпревар и фактот дека Русија беше елиминирана од него, но Израел не.
Џеј-Џеј рече дека верува оти Израел не треба да учествува на Евровизија следната година поради војната во Газа.
– Многу е разочарувачки да се види дека Русија е елиминирана, а Израел сè уште учествува во натпреварувањето. И двете земји се агресори кога станува збор за војна. ЕБУ не презеде ништо во врска со тоа. Да беше до мене, ќе ги исклучев од натпреварот. Ќе видиме дали нешто ќе се промени следната година, можеби ќе биде пофер кон другите и можеби следната година гласањето ќе биде под подобар надзор – рече тој.
Да потсетиме дека претставничка на Израел оваа година беше Јувал Рафаел, а таа беше опкружена со бројни скандали за време на натпреварувањето.
Таа ја отпеа песната „New Day Will Rise“, а за време на нејзиниот настап, цело време имаше свирежи од публиката, а беше развеано и палестинското знаме, кое немавме можност да го видиме на малите екрани.
Израелскиот јавен радиодифузен сервис „Кан“ поднесе пријава до полицијата во Базел во врска со наводни закани со смрт кон претставници на оваа земја.
Пред почетокот на второто полуфинале, се случи инцидент на генералната проба. Имено, за време на генералната проба пред вечерашниот настап на второто полуфинале на Евровизија 2025, шест лица, меѓу кои и членови на семејството, го прекинаа настапот на израелскиот пејач Јувал Рафаел. Тие носеа големи палестински знамиња и свирчиња, а обезбедувањето мораше да ги исфрли од салата, соопшти организацијата.
