САД излегуваат од ОН? Трамп нареди, републиканците го повлекоа чкрапалото
На почетокот на февруари, американскиот претседател Доналд Трамп потпиша извршна наредба за преоценување на учеството на САД во една од најважните меѓународни организации и рече дека таа е погрешно менаџирана и не ја врши својата работа. Сега републиканците направија нов потег.
Американските сенатори од Републиканската партија поднесоа предлог-закон за целосно повлекување на САД од Обединетите нации, се наведува во документот објавен на веб-страницата на еден од авторите на законот Мајк Ли, пренесува Дневник.хр.
„Претседателот треба целосно да го отповика членството на Соединетите Држави во ОН, како и во сите други организации, комисии, специјални агенции и други тела формално поврзани со ОН“, се наведува во нацртот.
Предлог-закон за повлекување на САД од Обединетите нации
Предлог-законот вклучува откажување на финансирањето на ОН и нивните агенции, забрана за повторно влегување во организацијата без одобрение на Сенатот, како и одбивање на земјата да учествува во мировните мисии на ОН.
„ОН станаа платформа за тираните“
„ОН станаа платформа за тираните да ги напаѓаат Соединетите Држави и нивните сојузници“, изјави Ли за Фокс њуз и повика на прекин на финансирањето на ОН, велејќи дека трошат пари за да ги поткопаат интересите на Вашингтон и да ги зајакнат неговите противници.
Тој, исто така, го доведе во прашање она што ОН го постигнале низ годините, посочувајќи дека и покрај сето внимание и пари, не успеале да спречат војни, кршење на човековите права и пандемии.
На почетокот на февруари, американскиот претседател Доналд Трамп потпиша извршна наредба за преоценување на учеството на САД во една од најважните меѓународни организации и рече дека таа е погрешно менаџирана и не ја врши својата работа.
Тој, исто така, потпиша наредба за целосен прекин на финансирањето на УНРВА, повлекување на САД од организацијата и Советот за човекови права на ОН и започнување забрзана истрага за активностите на УНЕСКО.
