Сајмон Харис стана најмладиот премиер во историјата на Ирска
Претседателот на либерално-конзервативната ирска партија Фајн Гаел, Сајмон Харис, денеска е избран за премиер на Република Ирска, откако неговиот партиски колега Лео Варадкар претходно поднесе оставка од таа функција.
Така Харис стана најмладиот премиер во историјата на Ирска, со само 37 години.
Се очекува Харис да изврши реконструкција на владата и дека новата влада ќе работи на проблемот со станбената криза, зголемувањето на цените на недвижностите, малите бизнисмени и друго.
Харис беше избран за пратеник во ирскиот парламент на 24-годишна возраст, а член на владата стана пред 30-тата година. Цените на недвижностите во Ирска се зголемија за 6,5 отсто во последниот квартал, што е најбрзата стапка на раст од 2022 година.
