РОДИТЕЛ ДОШОЛ ВО УЧИЛИШТЕ ВО БЕЛГРАД: Се заканил дека ќе ги убие вработените

Маж влегол во училиште во Белград и се заканувал дека ќе ги убие вработените. 

Tој се претставил како родител на ученик и попладнево влегол во холот на основно училиште во Видиковац, заканувајќи им се на вработените дека ќе ги убие. Потоа,  дошла полициска патрола и го однела, пренесуваат медиумите во соседството. Родителите на учениците од тоа училиште добиле порака на заедничката вибер група од директорката на училиштето.

„Денеска околу 15 часот во училишниот хол влезе маж кој се претстави како родител на наш ученик, но не кажа кој, и се закани дека сите ќе не убие. Училишната полицајка набрзина интервенирала, по што дошла полициска патрола и го однела“, наведува директорката во известувањето до родителите кое било препратено до Н1.

Утре главниот влез во училиштето ќе биде заклучен и отклучен доколку има потреба.

За утре во 18 часот е најавен собир за поддршка на наставниците од училиштето кои ја прекинаа работата, јавува „Данас“. И претходно, српските наставници протестираа со барање да им се зголеми безбедноста, затоа што имаше случаи каде ученици напаѓаа наставници.