Родилка со неконтролирана бременост родила мртво бебе – од битолската болница велат несреќен случај!
Родилка со неконтролирана бременост во Германија, два месеца по враќањето во Битола, вчера во ЈЗУ Клиничка болница – Битола роди мртво бебе.
Според директорката на битолската клиничка болница Елизабета Ивановска, станува збор за несреќен случај во семејството на мајка која и претходно имала породување со мртво бебе.
– Родилката (21 г.) беше со неконтролирана бременост во Германија, а во нашата клиничка болница се јави со вишок на плодова вода во деветтиот месец од бременоста. Бебето беше породено со „царски рез“, немалтретирано, но за жал без знаци на живот. Разговаравме и со родилката која и претходно имала породување со мртво бебе, изјави за МИА, д-р Елизабета Ивановска, директорка на ЈЗУ Клиничка болница – Битола.
Иако станува збор за несреќен случај, сепак ќе се направи дополнително испитување на причините за смртта на бебето на родилката.
