РЕКОРДЕРИ: Црна Гора ќе влезе во Гинисовата книга поради големиот број министри?
Црногорската Влада има голем број министри, иако се работи за мала земја. Владата на Црна Гора има најмногу министри досега, a здружение ги пријавило за Гинисов рекорд.
Гинисовата книга на рекорди, како што вчера објави невладиното здружение „35 милиметри“, почна процес на оценување на нивната иницијатива за прогласување на владата на Црна Гора за рекордер во нова категорија – најголема густина на извршна власт по глава на жител.
Црногорската влада брои 34 членови и е влада со најмногу министри во историјата на земјата. Црна Гора има околу 620 илјади жители.
Тие направија споредба со Република Хрватска, која има 18 владини претставници на 3.871.833 жители или еден владин претставник на 215.101 жител. Од здружението споредба направија и со Германија, која има 17 владини претставници, односно по еден на секои пет милиони жители.
foto EPA
