РАЗУМНО Е ДА СЕ ОЧЕКУВА ЈАСНОСТ И КОНЗИСТЕНТНОСТ ОД СОЈУЗНИЦИТЕ Пристапот кон ЕУ да е заснован на заслуги и на демократски стандарди
Членството во Европската унија и во НАТО не се политички слогани за ВМРО-ДПМНЕ, туку се статутарни обврски, вградени во нашите основачки принципи од првиот ден на независноста на нашата земја, рече генералниот секретар на ВМРО-ДПМНЕ, Драган Ковачки, во обраќањето на денешниот настан што го организираше Унијата на жени: „Женско лидерство-Европската интеграција на Западен Балкан во светлината на безбедносните и технолошките предизвици на Европа“.
– Во име на ВМРО-ДПМНЕ, чест ми е да ве поздравам во Скопје, главниот град на земја мала по територија, но голема по решителност. Земја која го носела товарот на историјата на своите рамена и сè уште стои, гради и, што е најважно, сè уште верува во европските вредности – рече Ковачки.
Македонија постојано покажува дека е сигурен и одговорен европски партнер, рече тој.
– За време на миграциската криза стоевме на првата линија, дејствувајќи како чувар на портата за Европа, управувајќи со тековите и тесно соработувајќи за европскиот партнер кога единството беше најпотребно. Денес, како членка на НАТО, продолжуваме да придонесуваме за европската безбедност преку нашето учество во сојузничките мисии во Бугарија, Романија и во Латвија, стоејќи рамо до рамо со нашите сојузници во заштитата на континентот – рече Ковачки.
Ова не се симболични придонеси, додаде тој, тие одразуваат стратешки сојузи и докажана посветеност на европската стабилност и безбедност.
– Во тој контекст, разумно е да се очекува од истите сојузници на кои пристапуваме кон нашиот европски пат иста јасност и конзистентност – посочи Ковачки.
Тој рече дека Македонија активно напредува во реформите, во зајакнувањето на демократските иституции и во усогласувањето на законодавството со ЕУ.
– Ова е тековна работа што се спроведува со решителност и добра волја и ние остануваме целосно посветени на тоа. Сепак, процесот понекогаш се развиваше на начини што покренуваат легитимни прашања за предвидливоста и за насоките. Оваа изјава не е покрената како критика, туку како повик за кохерентност, во интерес и на нашите граѓани и на кредибилитетот на самиот процес на проширување. Нашата позиција е јасна, пристапувањето мора да биде водено од објективни критериуми, засновано на заслуги, демократски стандарди за владеење на правото и економско усогласување – рече Ковачки.
.
