Од поројни дождови до нула степени – временски пресврт до крајот на следната недела
Пред нас е работна недела која ќе донесе чести промени на временските прилики, со постепен пад на температурите и најава за локални врнежи од дожд.
Почетокот на неделата ќе го одбележи променливо облачно време, а веќе во вторник метеоролозите предвидуваат зголемена нестабилност проследена со пороен дожд, грмежи и засилен ветер од северозападен правец.
Ваквиот бран ќе продолжи и во среда, кога под влијание на северен ветер ќе дојде до значително опаѓање на дневните температури кои нема да надминат 19 степени Целзиусови.
Иако кон крајот на неделата, односно во четврток и петок, се очекува делумно стабилизирање на времето со повеќе сончеви периоди, утринските часови ќе бидат особено студени.
Минималните температури во овој период ќе се спуштат до критичната точка од нула степени, што бара посебно внимание кај граѓаните, додека максималните дневни вредности во петок повторно ќе почнат да растат, достигнувајќи околу 21 степен Целзиусов.
