Првпат во историјата – странец на клупата на хрватската ракометна репрезентација?

Така тврдат медиумите во Хрватска кои најавуваат дека се е договорено и дека само се чека потврда од Сојузот. Ако тоа се оствари, Сигурдсон ќе биде прв странски стручњак-селектор на хрватската репрезентација, а веќе идниот месец ќе има исклучително тепка задача, на олимписките квалификации кои од 14 до 17 март ќе се одржат во Хановер. На тој турнир, покрај домаќинот и Хрватска, ќе учествуваат уште и Австрија и Алжир, а пласман во Париз ќе обезбедат најдобрите две селекции.

До пред неколку дена Сигурдсон беше селектор на јапонската репрезентација и требаше да ја води на Олимписките игри, но успеа да се договори со тамошниот Сојуз за раскин на договорот за да ја преземе Хрватска.

Покрај Јапонија, како селектор ги водеше уште Австрија и Германија, а со Германците освои бронзен медал на Олимписките игри во Рио де Жанеиро и злато на Европското првенство во Полска пред осум години.