ПРОПАДНА И ТАА НАДЕЖ: Се огласи австриската полиција, на видеото сепак не е малата Данка
Австриската полиција рано утринава соопшти дека јасно и без никаков сомнеж може да се исклучи врската меѓу лицата прикажани на објавените фотографии и исчезнатото девојче од Бор.
Според соопштението, српски државјанин кој живее во Виена им пријавил на српските власти дека на трамвајската станица Шотенринг забележал мало дете во придружба на две возрасни жени.
„Забележувајќи ја сличноста меѓу девојчето и речиси двегодишното дете исчезнато во Србија, тој направи видео од трите лица и го сподели со српските власти. Со оглед на тоа што роднините по прегледувањето на сликите изјавиле дека најверојатно станува збор за исчезнатото девојче, по наредба на Јавното обвинителство на Виена, фотографиите ги објави државната полициска управа на Виена на 3 април 2024 година. Сега е разјаснет идентитетот на лицата од сликите и воспоставен е контакт со нив“, се вели во соопштението на австриската полиција.
Девојчето Данка Илиќ исчезна во вторникот на 26 март во населбата Бањско поле во Бор, а потрагата по неа сега влегува во десеттиот ден.
Потсетуваме, девојката наводно била видена на 30 март во Виена во придружба на двајца романски државјани.
Српската полиција веднаш реагирала, а Интерпол распишал жолта потерница за да реагираат сите земји во светот доколку ја видат некаде.
Тие забележуваат дека врз основа на истрагата и придружните факти, јасно и без какво било сомневање може да се исклучи врската меѓу лицата прикажани на објавените фотографии и исчезнатото дете.
