ПРОМЕНИ ВО УПРАВНИОТ ОДБОР НА „ФАКОМ“ – на местото на Трајковски доаѓа Маргаритов, ќе има мандат од 4 години
Во компанијата за проектирање и производство на челични конструкции од Скопје има промени во органите на управување, поточно ќе има замена кај членовите на Управниот одбор на компанијата.
Имено, еден член на УО си поднел оставка од лични причини, а на негово место доаѓа Зоран Маргаритов кој ќе има мандат од четири години.
„Согласно Глава 6 од Правилата за котација, известуваме за следниве измени во органите на управување:
‘Факом’ АД Скопје известува дека Надзорниот одбор на Друштвото донесе Одлука со која се констастира престанок на функцијата член на Управен одбор на г-дин Игор Трајковски поради поднесена оставка од лични причини, а за член на Управен одбор избран е г-дин Зоран Маргаритов со мандат од 4 (четири) години“, се вели во ценовно чувствитечлната информација која компанијата ја испрати преку Берзата до инвеститорската јавност.
Основната дејност на ФАКОМ АД – Скопје е проектирање, производство и монтажа на челична конструкција и делови на конструкции, сите видови на заварени носачи и изградба и како монтажа на опрема за капитални индустриски и термоенергетски објекти.
