Признание на вина во случајот со ИПАРД фондовите: Обвинетата бара враќање на дел од запленетите пари
Започна судењето за злоупотреби со европските ИПАРД фондови, при што помладата соработничка во Министерството за земјоделство, Јасмина Костадинова, призна вина за примање мито. Таа пред судот изјави дека прифатила поткуп од 2.000 евра за да помогне на одредена компанија, која не била на ранг-листата, да добие финансиски средства од европските фондови.
Иако ја призна вината и изрази каење, Костадинова побара од судот да ѝ бидат вратени 6.000 евра. Имено, при полицискиот претрес кај неа биле запленети вкупно 8.000 евра, а таа тврди дека само 2.000 евра се поврзани со кривичното дело.
Покрај Костадинова, во овој случај се опфатени уште осум лица, меѓу кои:
Поради овој корупциски скандал, Европската комисија привремено стопираше исплата на 2,9 милиони евра наменети за македонското земјоделство. Според последните информации од Министерството, овие средства се веќе деблокирани.
Обвинетата Костадинова се наоѓа во домашен притвор и нејзината пресуда ќе биде објавена во понеделник, додека судењето за останатите обвинети продолжува на 11 мај.
