Приведени три лица од Скопје и скопско барани со потерници

Денеска, во 13.30 часот во с. Грчец, скопско, полициски службеници од Единицата за интервентна полиција при СВР Скопје го лишија од слобода Ш.П. (29) од с. Батинци, скопско, кој бил баран со централна потерница за затворска казна од пет месеци за сторено кривично дело по член 301 од КЗ.

Исто така денеска, околу 15 часот, на ул. „Фан Ноли“ во Скопје полициски службеници од Единицата за интервентна полиција при СВР Скопје го лишија од слобода З.Д.(33) од Скопје, кој бил баран со потерница по наредба на Основен  кривичен суд Скопје за затворска казна од два месеца по чл. 297 став 3 од КЗ. 

Денеска (25.03.2024) во с. Страхолица, Зелениково полициски службеници од Единицата за интервентна полиција при СВР Скопје го лишија од слобода и А.Д. (34) од истото село, кој бил баран со потерница за затворска казна од еден месец и 20 дена  за сторено кривично дело по член 297 од КЗ.

Лицата ќе бидат предадени на надлежната казнено поправна установа.