Приведени 12 возачи за безобѕирно управување возило – седум возеле без дозвола, од кои еден малолетник!
Во текот на изминатото деноноќие на целата територија на државата, полициските службеници лишија од слобода 12 возачи за безобѕирно управување возило. Од нив седум управувале возило без возачка дозвола, од кои еден малолетник, по двајца со брзина поголема од дозволената и под дејство на алкохол и еден со активна забрана. Двајца возачи во Скопје, од кое еден малолетник и по еден возач во Штип, Куманово, Кавадарци, Прилеп и Тетово возеле без возачка дозвола.
Еден возач во Гевгелија и еден во Тетово управувале возило со брзина поголема од дозволената. Еден возач во Струга и еден возач во Скопје управувале возило под дејство на алкохол, а еден возач во Куманово управувал возило со активна забрана. По целосно документирање на случаите ќе бидат поднесени соодветни кривични пријави.
Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.
