ПРИВЕДЕН Е ПОЛИЦАЕЦ ВО БОР: Давал информации кои можат да ја загрозат истрагата за исчезнувањето на Данка
Нови детали во случајот со исчезнувањето на двегодишното девојче во Србија. Во српскиот град Бор е приведен полицаец поради давање информации за исчезнувањето на девојчето Данка Илиќ, по кое се трага четврти ден.
Не се знае за какви информации се работи и кому ги дал, но тоа се информации од истрагата кои евентуално би можеле да ја загрозат. Две специјалистички екипи за спасување од урнатините од Белград и Нови Сад почнаа детално пребарување на просторот околу куќата. Ги претресуваат куќи и населбата каде исчезна девојчето, се расчистува дворот. Овие информации ги соопшти полицијата.
Инаку, вештачењето на телефонот на мајката покажа дека таа на денот на исчезнувањето на детето, бришела пораки и повици на мобилниот. Таткото поминал на полиграф, но детали нема. Мајката е бремена и не може да биде тестирана на полиграф.
Припадниците на Федералната полиција во БиХ (ФУП), вчера уапсија три лица кои се осомничени дека преку ТикТок објавиле дека се поврзани со исчезнувањето на девојчето Данка Илиќ во Србија.
Како што јави Аваз, се работи за Башар Туфанки, Закуан Туфанки и Мухамед Туфанки. Башар Туфанки, државјанин на Босна и Херцеговина и Сирија, подоцна во просториите на ФУП признал дека проширил информација за исчезнувањето на девојчето и побарал 50.000 евра. Тие рекле дека се шегувале.
Но, Обвинителството денеска одлучило дека нема основа за нивно притворање, иако, како што дознава Аваз, ФУП поднел извештај во кој се наведува дека се работи за кривично дело уцена и вознемирување на јавноста.
