ПОЗНАТ ПРОИЗВОДИТЕЛ НА ГУМИ ЗАТВАРА ДВЕ ФАБРИКИ: Дури 1.254 работници останаа без работа
Францускиот производител на гуми Мишелин денеска им потврди на синдикатите дека најдоцна на почетокот на 2026 година ќе затвори две фабрики во Франција, а без работа ќе останат вкупно 1.254 работници.
Во фабриката на локацијата Ван се вработени околу 300 работници кои произведуваат метални шипки за засилување на гумите, додека 963 работници на локацијата Шола произведуваат гуми за комерцијални возила, пренесува Фигаро.
– Очигледно е шок за вработените – признава извршниот директор на групацијата Мишелин, Флорент Менего.
Деловните активности на овие две локации нема да продолжат до следниот понеделник за да им се овозможи на работниците доволно време да ги прифатат информациите за затворање.
Менего вети дека компанијата ќе ги поддржува работниците по отпуштањата додека не најдат ново вработување.
Предвремено пензионирање и шеми за внатрешна и надворешна мобилност ќе бидат понудени како што се секогаш кога ќе се затвори некоја локација.
Мишелин ги уверува работниците дека пред одлуката за затворање на фабриките ги проучувала сите алтернативни можности за да го избегне тоа сценарио, но компанијата е под голем притисок од поевтината конкуренција на азиските производители.
Цените на енергијата во Европа се двојно повисоки отколку во Соединетите Американски Држави или Азија, кои двојно ги зголемија трошоците за производство во споредба со 2019 година, додава Менего.
Според него, Мишелин повеќе нема да може никому да гарантира вработување бидејќи тоа би било неодговорно во услови на глобализираниот пазар.
