И Милан удри по Реал Мадрид! (ВИДЕО)
Реал Мадрид живее тешки денови, тимот на Карло Анчелоти се наоѓа во криза. Се веруваше дека поразот од Барселона ќе им даде мотив повеќе да го совладаат Милан и да се вратат на победничките патеки, но денешниот натпревар покажа дека кралот е разнишан.
Милан поведе уште во 12. минута кога по асистенција од Пулишиќ Чау даде гол за водство на росонерите од 1-0. Десетина минути подоцна Винисиус од пенал изедначи на 1-1.
Во 39. минута Леао шутираше, Лунин ја одби топката, на неа натрча Мората кој ја смести во мрежата на Реал Мадрид за водство на Милан од 2-1. Тоа беше резултатот од првиот дел.
И во вториот дел Милан беше подобар противник. Јалови беа нападите на Реал Мадрид. Во 73. минута Реијндерс даде гол по асистенција на Леао за 3-1.
Ридигер во 82. минута даде гол по една грешка на Мењан, но погодокот му беше поништен поради офсајд.
Чаби Алонсо лошо помина на гостувањето кај неговиот поранешен клуб, Ливерпул. Црвените победија со 4-0.
Сите четири гола беа постигнати во второто полувреме, Луис Диаз постигна хет-трик, еднаш погоди Гакпо.
Селтик со 3-1 го победи Лајпциг. Елмас влезе од клупата во 68. минута.
Голот за Лајпциг го даде Баумгартнер за водство, но потоа следуваа два на Кун и еден на Хатате за победа на шкотскиот тим.
Спортинг Лисабон со 4-1 го совалда Манчестер Сити. Граѓаните поведоа со гол на Фоден со 1-0, Гјокерес даде хет-трик, а еднаш погоди Араухо за португалскиот тим.
Лил и Јувентус одиграа 1-1. Давид погоди за домаќините, Влаховиќ изедначи од пенал за италијанскиот тим.
Борусија Дортмунд со гол на Мален во финишот од мечот го совлада Штурм. Со 1-0 победи и Монако на гостувањето кај Болоња, голот го даде Керер.
