ПОЗНАТ, АМА ПРАЗЕН: Грчки остров се соочува со егзодус
Грчки остров доживува егзодус надвор од сезоната.
Кога ќе пристигне зимата на Антикитера, и онака малото население на изолираниот грчки остров уште повеќе се намалува. Антикитера, остров помеѓу Китера и Крит, како и многу други рурални региони во Грција, страда од сериозна депопулација. Островот е со големина на хрватскиот Вир и има 39 жители според пописот од 2021 година. Пред Втората светска војна имал илјада.
„Ние сме дваесетина, нема деца, нема пекара“, вели началникот Јоргос Хархалакис за АФП.Хархалакис (37) сè уште се сеќава на своите први години во основно училиште во 1990-тите, пред неговото семејство, како и многу други, да биде принудено да се пресели на друго место поради финансиски проблеми. „Во тоа време, островот бил дом на фармери, рибари и сточари“, рече тој.
Во карпестите височини на Антикитера сè уште се видливи сувите ѕидови на терасовите полиња меѓу напуштените и урнати куќи. Единствената врска на островот со надворешниот свет е бродот до Китера и Крит.
Хархалакис вели дека главниот проблем во Антикитера е недостатокот на инфраструктура.
