Пожар остави делови од Аргентина без струја

Пожарот во близина на високонапонски водови остави големи делови од Аргентина без струја , објави АФП, повикувајќи се на властите. Ова се случи во време кога земјата беше зафатена од топлотен бран што доведе до пораст на потрошувачката.

Милиони Аргентинци во неколку провинции и области на Буенос Аирес останаа без струја најмалку два часа. Во главниот град во доцните попладневни часови е вратена електрична енергија и постепено се обновува сообраќајот на метрото.

Пожарот избувна во поле на околу 60 километри од Буенос Аирес , во близина на високонапонски линии поврзани со блиската централа Атуча 1 . Нуклеарната централа е исклучена од електричната мрежа како мерка на претпазливост.

Министерството за енергетика соопшти дека со наводна потрошувачка од 25 илјади мегавати, инцидентот привремено ја лиши земјата од околу 9 илјади мегавати производствен капацитет.

Аргентина е во канџите на деветтиот топлотен бран ова лето. Температурата во Буенос Аирес вчера достигна 36 Целзиусови степени. Според националната метеоролошка служба, главниот град го доживува своето најжешко лето во историјата, забележува АФП.

Ројтерс истакнува дека Аргентина забележала неколку прекини на електрична енергија поради големата побарувачка од јануари.