Потазе цемент и дупка во ѕидот: „Почнаа да паѓаат пари!“ Детали како беа најдени парите кај судијата Ѓоко Ристов
Обвинителството денеска ги откри „филмските“ детали за тоа како се пронајдени скриените евра на судијата Ѓоко Ристов. Клучот за решението не биле прислушувани разговори, туку упорноста на истражителите и една навидум безначајна трага – свеж цемент и неколку различни плочки во домот на неговите родители.
Иако финансиските истраги секогаш бараат повеќе време, истражителите знаеле дека крајната цел е пронаоѓање на готовина („кеш“), бидејќи судиските плати се јавни и со нив не може да се оправда такво богатство.
Потрагата не одела лесно. На почетокот биле направени претреси на повеќе локации поврзани со судијата, но пари не биле пронајдени.
Пресвртот се случил при претресот во домот на родителите на судијата во Неготино. Истражителите, користејќи и техничка опрема, забележале нешто сомнително на подот/ѕидот.
На прашањето на истражителите дали скоро правеле реконструкција, родителите одговориле негативно. Тој одговор бил сигналот за акција.
Истражителите почнале да кршат на сомнителното место.
Интересен детал е што судијата Ѓоко Ристов никогаш не бил под посебни истражни мерки (ПИ-мерки), односно не бил следен или прислушуван за овој случај, туку истрагата се базирала на пријави од многу луѓе и следење на финансиските текови.
