Мозаик од искази и телефони во затвор: Истрагата за судијата почнала од колеги судии на Ѓоко Ристов во Апелација

Случајот со осомничениот апелационен судија не е резултат на надворешна пријава, туку потекнува од самото срце на судството. На денешниот брифинг, од Обвинителството открија ексклузивни детали за тоа како се плетела мрежата околу судијата – истрагата започнала пред точно една година, и тоа по наводи пријавени од негови колеги, судии во Апелација.

Обвинителите истрагата ја опишуваат како сложување на „мозаик“, кој морал внимателно да се гради за да се дојде до објективна слика и цврсти факти.

Клучен момент во истрагата биле сведоштвата кои почнале да пристигнуваат.

Голем пробив во истрагата е направен благодарение на соработката со затворските служби и модерната опрема.

Од Обвинителството признаваат дека најтешкиот дел е справувањето со моќни фигури. Кога се истражуваат луѓе со влијание, постои голем ризик информациите да протечат пред да се реализира акцијата.

Тие појаснуваат дека морале да бидат исклучително внимателни со мерките, бидејќи секоја наредба што поминува низ „повеќе раце“ носи нови предизвици и ризик од компромитирање на истрагата.