Последно збогум за Теодора која беше пронајдена во Вардар: Нејзината невина душа никогаш нема да ја заборавиме, се огласија од училиштето во Демир Хисар

Демир Хисар денес е завиен во тага по трагичната вест за прераната смрт на ученичката Теодора Бабарчиќ. СОУ „Крсте Петков Мисирков“ преку емотивна објава на социјалните мрежи ѝ оддаде последна почит на својата ученичка, изразувајќи длабоко сочувство до семејството.

„Нашето училиште со неизмерна тага за прерано згаснатиот живот на нашата ученичка Теодора Бабарчиќ, изразува искрено и длабоко сочувство до семејството. Нејзината мила и невина детска душа никогаш нема да биде заборавена. Почивај во мир, ангелу“, се наведува во соопштението од училиштето.

Веста за нејзиното заминување предизвика голема жал и неверување кај нејзините соученици, наставници и пошироката заедница.

По интензивна потрага, пред три дена во водите на реката Вардар беше пронајдено телото на 16-годишната девојка која исчезна на 24 јули.