Поради закана од бомба, авионот се врати на аеродром: Сите останати останаа шокирани од она што беше пронајдено во тоалетот
Патниците на летот од Панама до Тампа, Флорида останале шокирани откако авионот се вратил на аеродромот поради сомнителна закана за бомба. Набрзо се покажало дека станува збор за лажна тревога, бидејќи бомбата всушност била пелена за возрасни за еднократна употреба.
Патниците на летот на Копа ерлајнс кој летал од Панама до Тампа, Флорида биле шокирани кога персоналот на авионот ги известил дека се вртат и се враќаат во Панама на сред пат, бидејќи во авионот има бомба.
Сите 144 патници се евакуирани. Полицијата ги презела сите безбедносни мерки, го обезбедила авионот и почнала да ја бара бомбата.
Набрзо се покажа дека станува збор за лажна тревога, пишува The Guardian. Наместо бомба, во авионот била пронајдена пелена за еднократна употреба за возрасни.
Хозе Кастро, шеф на единицата за безбедност на аеродромот, изјави дека во еден од тоалетите имало сомнителен предмет.
„Авионот слета на безбедна писта каде што беше прегледан од полициски кучиња и специјалци и беше утврдено дека се работи за пелена за возрасни и дека нема никаков ризик“, изјави Кастро.
Патниците се качиле на друг лет набргу по лажната тревога и го продолжиле патувањето, објави Копа ерлајнс.
