ПОНУДАТА ТЕШКО ЈА СЛЕДИ ПОБАРУВАЧКАТА: Се зголемила инфлацијата во Русија
Инфлацијата во Русија забрзала во јануари, а понудата тешко ја следи побарувачката.
Цените нагло пораснаа на крајот на 2024 година и почетокот на 2025 година, бидејќи капацитетите во индустријата и услужниот сектор повторно заостанаа зад побарувачката, забележа централната банка.
На крајот од декември, банката ги задржа клучните каматни стапки на 21 отсто, проценувајќи дека инфлацијата треба да се намали на целеното ниво од четири отсто во 2026 година.
Потрошувачките цени во Русија лани се зголемиле во просек за 9,5 отсто, а до 27-ми јануари годишната стапка на инфлација се искачила на 10,13 отсто, објави заводот за статистика.
Домаќинствата проценуваат дека цените во јануари биле за 16,4 отсто повисоки во однос на истиот месец минатата година, а за 15,9 отсто во декември, пренесе агенцијата ТАСС.
Во ноември и октомври, според согледувањата на домаќинствата, тие се зголемени за 13,4 отсто, а во септември за 12,5 отсто.
Откако Русија ја почна инвазијата на Украина пред три години, руската валута доживуваше падови.
