По потегот на Трамп, и Аргентина се повлекува од СЗО
Аргентина најави дека ќе се повлече од Светската здравствена организација (СЗО), како одраз на сличен потег на американскиот претседател Доналд Трамп минатиот месец.
„Претседателот (Хавиер) Милеи му наложи на (министерот за надворешни работи) Херардо Вертејн да го повлече учеството на Аргентина во Светската здравствена организација“, рече портпаролот на претседателот Мануел Адорни на прес-конференција во средата.
„Ние Аргентинците нема да дозволиме меѓународна организација да интервенира во нашиот суверенитет, а уште помалку во нашето здравје“, додаде тој.
Трамп на својот прв ден назад во Белата куќа во јануари објави дека ги повлекува Соединетите држави од СЗО, предизвикувајќи критики од експертите за јавно здравје.
