ПОМОШ ЗА ГРЦИЈА, И ПОЖАРНИКАРИ ОД СРБИЈА ЌЕ ГИ ГАСНАТ ПОЖАРИТЕ: Заминаа со 14 возила

Српските
пожарникари, од кои 36 и двајца медицински работници, денеска тргнаа да им
помогнат на своите колеги во Грција, каде поради високите температури беснеат
големи пожари. Тие со 14 возила тргнале кон Солун, каде што е договорено
местото на средбата, а потоа ќе бидат распоредени таму каде што е потребно. Пожарникарите
кои заминаа во Грција се од Нови Сад, Белград, Крагуевац, Јагодина, Ниш и
Панчево.

Лука Чаушиќ,
началникот на Секторот за вонредни состојби на Министерството за внатрешни
работи, денеска во Ниш изјави дека пожарникарите се подготвени да ангажираат
авиони, но дека нивните грчки колеги им рекле дека очајно им е потребна помош
од земја.

– Врз основа на
договорот на претседателот Вучиќ и премиерот на Грција, Мицотакис и по наредба
на министерката за внатрешни работи Братислава Гашиќ, испраќаме тим во Грција
да им помогне на нашите колеги во борбата против огромните пожари кои ја
зафатија целата грчка територија. Србија испраќа 38 пожарникари и спасувачи во
секторот за вонредни ситуации, 36 се пожарникари и спасувачи и 2 члена од
медицинскиот тим. Носиме се што ни треба, дури и шатор, па не сакаме ни трошка
да го оптоваруваме домаќинот.

ФОТО: EPA-EFE/LEFTERIS DAMIANIDIS