Половина од светот страда уште еден месец топлотен бран
Половина од светот се соочи со уште еден месец топлотни бранови минатата година поради глобалното затоплување предизвикано од човекот, како што се тврди во студијата објавена во петокoт.
Резултатите од истражувањето укажуваат на степенот до кој континуираната употреба на фосилни горива му штети на здравјето и благосостојбата на сите континенти, со последици кои не се доволно препознаени во земјите во развој, тврдат научниците кои учествувале во студијата.
„Со секој барел нафта што се согорува, со секој тон ослободен јаглерод диоксид и секој дел од степенот на затоплување, топлотните бранови ќе влијаат на повеќе луѓе“, рече Фридерике Ото, климатолог на Кингс колеџ во Лондон и коавтор на студијата.
Анализата ја спроведоа научници од World Weather Attribution, Climate Central и Климатскиот центар на Црвениот крст и Црвената полумесечина, а беше објавена пред Светскиот ден на топлината на 2 јуни, кој оваа година се фокусира на опасностите од исцрпеност од топлина.
За да го проценат влијанието на глобалното затоплување, научниците го анализираа периодот од 1 мај 2024 година до 1 мај 2025 година. Тие ги дефинираа „екстремно топлите денови“ како оние што беа потопли од 90 отсто од температурите регистрирани на локациите помеѓу 1991 и 2020 година.
Споредувајќи го бројот на такви денови со симулиран свет без глобално затоплување предизвикано од човекот, тие дојдоа до зачудувачки резултат: околу четири милијарди луѓе, 49 отсто од светската популација, се соочиле со екстремна топлина 30 дена подолго отколку во симулираниот свет.
Научниците идентификувале 67 епизоди на екстремна топлина во текот на изминатата година и пронајдоа знак на климатски промени во секоја од нив. Карипскиот остров Аруба бил најтешко погоден, со 187 дена екстремна топлина, 45 дена повеќе отколку во симулираниот светот без климатски промени, кој инаку е практично невозможен.
Минатата година беше најжешката досега, надминувајќи ја 2023 година, додека јануари 2025 година беше најтопол досега.
Глобалните температури се за 1,3 степени Целзиусови над прединдустриските нивоа, според петгодишен просек, а во 2025 година надминаа 1,5 степени Целзиусови, симболичниот плафон поставен со Парискиот климатски договор од 2015 година.
Европа регистрираше 61.000 смртни случаи кои ѝ се припишуваат на топлина во летото 2022 година, нона овие научници им недостигале податоци од други региони, и според нивното тврдење смртните случаи наводно поврзани со горештините погрешно се припишуваат на срцеви или белодробни заболувања.
