Политичарите го критикуваат Курти дека ги расипал односите со САД и дека развојот е на нула
Косовски политичар го нападна косовскиот премиер Албин Курти дека ги уништил односите со САД.
Членот на Демократскиот сојуз на Косово, Висар Аземи изјави дека премиерот Албин Курти има проблем со целата американска политика, а не со поединците кои се на власт во САД.
Аземи, коментирајќи го текстот објавен од „Политико“, во кој се наведува дека Курти успеал да ги обедини републиканците и демократите во САД, изјави дека Курти не ја сака ни актуелната власт во Америка и покрај тоа што тој го поддржа на изборите.
„Не му се допаѓа баш Бајден, кого го поддржа на изборите против Трамп, ниту Блинкен и Ескобар. Тој има проблем со американската политика. На овој господин веројатно му пречи најголемата и најконсолидирана демократија во светот“, вели Аземи.Вели дека на Косово не му требаат луѓе кои ќе ги уништуваат односите со САД. Пратеникот на АБК, Бека Бериша оцени дека косовскиот премиер Албин Курти ја изгубил поддршката од САД и ЕУ и ги уништил односите со Албанија. Бериша на Фејсбук пишува дека економијата и развојот на Косово се „на нула“.
Претседателот на Алијансата за иднината на Косово (АБК) Рамуш Харадинај се сретна со делегацијата на Парламентот на Австрија, со која разговараше за ситуацијата на северот на Косово и чекорите за смирување на тензиите.
Западот бара деескалација, инаку Косово ќе трпи последици.
