Почина Субрата Рој, бизнисменот кој сакаше во Преспа и Охрид да гради хотелски коплекси
Субрата Рој, контроверзниот индиски бизнисмен кого владата на ВМРО-ДПМНЕ на чело со Никола Груевски го доведе во Македонија како голем инвеститор, почина на 75 години по долго боледување. Тој бил примен во болница во неделата откако му се влошила состојбата поради бројните здравствени проблеми, објави „Хиндустан тајмс“.
Субрата Рој беше заинтересиран за изградба на хотелски центар во преспанскиот регион.
„Кога Субрата Рој прв пат беше во Македонија, разгледуваше повеќе места на кои би инвестирал. Негов прв избор беше Охридското езеро, а за во втората фаза беше најавена инвестиција и на Преспанското езеро“, рече тогаш директорот на ТИРЏ.
Тогаш Виктор Мизо изјави дека индискиот милијардер ја донел својата одлука за инвестирање во Македонија, од сентиментални причини.
Роден во 1948 година, Субрата Рој изгради големо деловно царство кое опфаќаше разни сектори, како финансии, недвижности, медиуми и хотелиерство. Неговиот деловен подем почнал со преземањето на компанијата „Сахара фајненс“ во средина на 1970-ите, која потоа ја трансформирал во најголемиот индиски конгломерат „Сахара груп“.
ФОТО: СДК.мк
