Пирло: Имав договор со Реал Мадрид, но тогаш дојде Галијани…
Поранешниот фудбалер на Милан и Јувентус, во интервју за „Радио Серија А“ потврди дека во 2006 дал согласност за петгодишен договор со Реал Мадрид, тоа било неколку недели откако Италија стана Светски шампион.
„Светското првенство штотуку заврши и се случуваше Калчополи скандалот. Имаше шанса Милан да биде префрлен во Серија Б и Фабио Капело замина во Реал Мадрид. Зборував со него и директорите на двата клуба се договрија“, вели Пирло.
„Кога се вратив во Милан за подготовки, ни рекоа дека ќе останеме да играме во Серија А со одземени бодови, не бев сигурен бидејќи веќе одлучив да одам во Реал Мадрид, но се вратив во Миланело и го сретнав Адриано Галијани и се договоривме да ја продолжиме авантурата“.
„Галијани остави договор на масата и ми рече на мене и агентот, напишете сума тука, по неколку дена договорот беше потпишан“.
Неколку години подоцна, Пеп Гвардиола му се јавил на Пирло и го сакал во Барселона.
„Имаше шанса Милан да го купи Ибра и Гвардиола ме праша дали сакам да му се приклучам нему во Барселона. Зборувавме мелку во неговата канцеларија, но тогаш Ибра дојде и јас останав во Милан“.
„Гвардиола ми рече дека ме сака во Барселона. Тој ме знаеше бидејќи играше за Браша, иако не игравме заедно. Бев многу горд што седам во неговата канцеларија и што ме повика тоа иако ништо не се случи на крајот“.
