Петровска: Во завршна фаза е набавката на 8 хеликоптери, еден ќе биде опремен за брза помош од воздух
Министерката за одбрана Славјанка Петровска денеска гостува во летното издание на дебатниот магазин „Click Plus“ на ТВ21 истакна дека е во завршна фаза набавката на 8 хеликоптери и се чека конечната одлука на тимот кој навистина завршил исклучително обемна и комплицирана работа.
Таа вели дека се работи за експертски тим кој е составен од припадници од Македонската Армија и Министерството за обрана кои се експерти во делот на воздухопловството, и тука апсолутно на никаков начин нема политичко влијание.
На прашање на модераторот дали со модернизацијата би можело дел од воздухопловноста да биде наменета и за медицинска потреба, Петровска истакна дека идејата е армијата секогаш да биде во поддршка на цивилното население.
„Стојам на ставот дека да, кога тоа го дозволуваат и законските услови и тоа од нас се побарува, армијата треба соодветно и на вистинско ниво да биде ангажирана за потребите на цивилното население и за поддршка на институциите на кои им е потребна поддршка во даден момент“, вели Петровска.
Според министерката, еден од хеликоптерите ќе биде посебно опремен за брза помош од воздух.
