„Срамота е!“ Рече министерот Тошковски за барањето одговорност поради фемицидот во Велес

Министерот за внатрешни работи, Панче Тошковски, вечерва во гостување на Дневникот на Сител Телевизија во врска со убиството во Велес изјави дека МВР поднело кривична пријава против убиецот, но обвинителството не побарало мерка притвор.

„Многу ми е жал што живееме во едно општество каде институциите си ја префрлаат одговорноста еден на друг. Има внатрешна контрола и ќе покаже дали министерството затаило или не. Но срамно е да се лаже јавноста и да се манипулира дека Тошковски е крив, само затоа што судот досудил условна осуда или затоа што Јавното обвинителство не побарало притвор“, рече Тошковски.

Министерот додаде дека е срамно вака да се манипулира јавноста заради одредени политички цели.