Пелистер против најтешкиот можен ривал ќе го почне плејофот во АБА2!

За битолчани самиот пласман во доигрувањето е историски успех, со оглед што им дава можност да станат само третиот македонски тим кој би изборил настап во елитната јадранска конкуренција. По вчерашниот пораз од Подгорица, единствена шанса за избегнување на најтешката задача беше пораз на Сутјеска од Слога што ќе им ја донесеше седмата позиција, но тоа не се случи со оглед што црногорците го добија директниот дуел за плејоф со 77-70.

Решавачките дуели за тоа која екипа ќе избори директен пласман во АБА, а која ќе игра бараж со претпоследниот тим од најдоброто друштво во регионот ќе се одиграат во Домжале во периодот помеѓу 12 и 16 април. Со евентуална победа во четврт-финалната пресметка со Хелиос, кошаркарите на Пелистер би се избориле за полуфинале во која противник би им бил подобриот од дуелот помеѓу Подгорица и Златибор. На другата страна од костурот, пак, ќе се одиграа дуелите помеѓу Крка и Сутјеска односно Борац Бања Лука и Широки.