Пелистер бара брза разрешница од дисциплинецот за „случајот Христовски“
На Гостивар му се заканува одземање на бодови (од три до девет бода) и парична казна од 1.000 евра, а на Христовски суспензија од една до две години, според дисциплинскиот правилник откако и клубот и фудбалерот завршшија на дисциплинска за случајот со настапот во воведното коло против Локомовтива (1-0), за кој натпреварувачката комисија не најде проблем за настап и го регистрираше мечот со истиот резултат, зашто при регистрацијата никој не ги искористил осумте дена право на жалба.
„ФК Пелистер апелира што е можно побрзо да се донесе одлука за дисциплинската постапка врз ФК Гостивар за „случајот Христовски“, во интерес на регуларноста на натпреварувањето. Апострофираме да се почитува рокот од осум дена кој е наложен како период во кој треба да се донесе одлука за спорната регистрација на фудбалерот“, објави Пелистер денеска.
Битолчани бараат брза разрешница зашто одолговлекувањето на конечна одлука на дисциплинецот, зашто веќе викендов почнува седумдневната прва разврска за местата во Првата лига.
Гостивар е домаќин Пелистер во среда на 8 март, а потоа следува мечот идниот викенд на Воска Спорт и Гостивар, а првиот дел од разврската за врвот завршува со пресметка на Воска и Пелистер на 19 март. Затоа и битолчани бараат брза разврска за да не влезе потоа во „круг на математички шеми“ во зависност од исходот на мечевите на лидерот.
