ПАРИЗ, ЛОНДОН, БЕРЛИН, МАДРИД: Колку пари се потребни за удобен живот?
Висока сума на пари е потреба за самец или семејство за удобен живот во европските метерополи.
„Euronews Business“ подетално ги анализира трошоците. Според Крис Частин, раководител на истражување во Институтот за економски истражувања на ERI, одговорот зависи од фактори како што се местото каде живеете, искуството, образованието, индустријата во која работите, потребите и начинот на живот.
Според Talentup, бруто годишната плата помеѓу 64.000 и 70.000 евра се смета за добра во Германија. Тоа значи приближно 40.000 до 43.000 евра нето годишно или помеѓу 3.300 и 3.600 евра нето месечно.
„HousingAnywhere“ објави дека нето просечната месечна плата во Обединетото Кралство била 2.297 фунти (2.725 евра). Во 2023 година, со трошоци за живот од 1.950 фунти (2.314 евра), просечната месечна нето плата од 2.500 фунти (2.962 евра) и 3.300 фунти (3.915 евра) се сметаше за добар приход во земјата.
Со оглед на тоа дека просечната бруто-неделна плата во Лондон е за 23 отсто повисока од просекот во Велика Британија, според ONS, добрата плата во британската престолнина треба да биде најмалку помеѓу 3.643 и 4.815 евра. Сепак, тоа треба да биде помеѓу 3.922 и 5.183 евра во Внатрешен Лондон, кој се состои од Сити на Лондон и тринаесет општини.
Од 2024 година, просечната нето месечна плата во Франција е 2.587 евра, а медијалната е 1.940 евра, според „HousingAnywhere“. Вообичаено добрата плата за удобен живот во Франција е околу 3.200 евра месечно за самец или 5.600 евра месечно за тричлено семејство.
Според „HousingAnywhere“, просечната нето плата во Шпанија во 2024 година е 1.785 евра месечно или 2.250 евра бруто. За удобно живеење, месечната нето плата во Шпанија се проценува на околу 2.700 евра за самец или 4.000 евра за некој што издржува семејство.
Со оглед на тоа што просечната плата во Мадрид е за 18 отсто повисока од националниот просек, добрата месечна нето плата во главниот град за самец треба да биде најмалку 3.185 евра.
foto freepik.com
