Папата сè уште е критично: „Помина мирна ноќ“
Папата Франциск кој е во критична состојба се бори со билатерална пневмонија, помина мирна ноќ во болница, соопшти Ватикан.
88-годишниот папа го поминува својот 13-ти ден во римската болница Гемели, најдолгиот престој во болница во неговото речиси 12-годишно папство.
Помина мирна ноќ
„Папата помина мирна ноќ и се одмара“, се вели во соопштението од Ватикан во една реченица во кое не се наведени детали.
Ватикан во вторникот објави дека папата четврти ден по ред е во критична состојба, но стабилен и без дополнителни респираторни кризи.
Прогнозата на Папата, беше објавена во вторникот, останува неизвесна. Сепак, неговите хемодинамски параметри, мерка за функционирањето на циркулаторниот систем на неговото тело, се исто така „стабилни“, велат од Ватикан.
Билатералната пневмонија е сериозна инфекција на двата бели дробови која може да остави лузни, што го отежнува дишењето. Ватикан соопшти дека инфекцијата на папата била „комплексна“ и предизвикана од два или повеќе микроорганизми.
Франциск, кој е папа од 2013 година, претрпе неколку епизоди на лошо здравје во последните две години.
Тој е склон кон инфекции на белите дробови бидејќи кога бил млад заболел од плеврит и му бил отстранет дел од едното белодробно крило.
