Папата Лав XIV привремено ги потврди функциите на функционерите на Ватикан
Новоизбраниот папа Лав XIV денеска на овие позиции привремено ги потврди лидерите и членовите на институциите на Римската курија, секретарите и претседателот на Папската комисија на државата Ватикан, соопшти Ватикан.
„Светиот Отец, всушност, сака да резервира одредено време за размислување, молитва и дијалог, пред каква било конечна номинација или потврда“, се додава во соопштението, пренесува Ватикан Њус.
Задоволство, но и изненадување од неговиот избор денеска изразија и Августинците, на чиј ред припаѓа Лав XIV.
