Панчевски во контранапад: Кривична пријава за Советот на обвинители – „Ме одбија со небулозно оправдување за стажот“
Владимир Панчевски, кандидатот за државен јавен обвинител кој вчера не ја доби довербата од Советот на јавни обвинители, најави жесток правен одговор. Тој поднесува кривична пријава против членовите на Советот за злоупотреба на службената положба, обвинувајќи ги за свесно кршење на законот и селективна правда.
Според Панчевски, членовите на Советот на вчерашната седница ги пречекориле своите овластувања. Тој тврди дека тие постапиле спротивно на конкретни законски одредби при разгледувањето на неговата кандидатура.
Панчевски остро реагираше на образложението за неговото одбивање, нарекувајќи го „срамно“.
Во своите статуси на социјалните мрежи, тој направи паралела со минати политички случувања, тврдејќи дека јавноста се манипулира.
Тој предвидува дека процедурата ќе заврши брзо, како „секое чудо за три дена“, и дека ќе биде избран нов обвинител за работите да останат исти како досега.
