Лажни лекари бараат по 20.000 евра за операции – три жени мета на измамници

Серија измами го тресе Тиквешкиот регион. Три жени од Кавадарци и Неготино станаа жртви на добро познатите шеми со „лажни лекари“ и фиктивни бизниси во рок од само неколку дена, потврдуваат од Секторот за внатрешни работи – Велес. Полицијата упати апел до граѓаните за зголемена внимателност.

Измамниците најчесто целеле кон повозрасни лица. Во два од регистрираните случаи, жртви биле повозрасни жени од кои се барале суми од по 20.000 евра под изговор дека се потребни за итна операција на нивна ќерка или внука.

Најдраматичен бил случајот од 10 февруари во Неготино:

Измамата била откриена дури откако сопружниците отишле во велешката болница и сфатиле дека нема таков пациент.

Истиот ден, 77-годишна жена била цел на сличен обид, но за среќа, по разговор со таксист и телефонска проверка кај својот зет, сфатила дека станува збор за лага пред да ги даде парите.

Полицијата регистрираше и трет случај на 13 февруари во Кавадарци, но со поинаква методологија.

Една од жртвите предупредува дека измамниците се исклучително вешти – тие располагаат со лични информации и имиња на роднини, што создава паника кај граѓаните.

Од СВР Велес преземаат мерки за расчистување на случаите и апелираат секој сомнителен повик веднаш да се пријави во полиција.