Пад на популарноста на Трамп пред истекот на првите 100 дена од функцијата
Како што се приближува до крајот на неговите први 100 дена на функцијата, популарноста на претседателот на Соединетите Американски Држави, Доналд Трамп, опаѓа, односно мнозинството граѓани не ги поддржуваат неговите клучни иницијативи, а исто така постои перцепција дека неговата администрација се обидува да избегне усогласување со наредбите на федералниот суд, според анкетата на Вашингтон пост, Еј-би-си њуз и Ипсос.
Анкетата покажува дека 39 отсто од возрасните Американци го одобруваат начинот на кој Трамп ја врши својата работа, додека 55 отсто не го одобруваат, вклучително и 44 отсто кои силно не го одобруваат начинот на кој тој ја извршува работата, пишува Вашингтон пост.
Во февруари 45 отсто од Американците го одобрија настапот на Трамп, додека 53 отсто изразија неодобрување.
