Ова е најмладиот милионер во Македонија во 2021 година – имал доход од над еден милион денар

Даночните пријави кои што поминале низ системот покажуваат дека најмладиот милионер во Македонија за 2021 година е 8-годишно момче.

Имено, тој во истата година остварил доход од 1,020,508 денари.

„Во категоријата најмлад и највозрасен милионер, лице кое во 2021 година било на осумгодишна возраст, остварило доход од 1 020 508 денари по основа на семејна пензија, а лице на 96 години остварило доход во износ од 1,2 милион денари. Кај двете лица најголемиот приход е остварен по основ на пензија“, посочи Сања Лукаревска.

Директорката на УЈП денеска ги изнесе резултатите од анализата на годишните даночни пријави за 2021 година.